Deskripsyon kou a
Kou Lojistik ak Jesyon Estòk sa a fèt pou bay etidyan yo yon konpreyansyon pwofon sou fason operasyon lojistik yo fonksyone nan diferan kalite antrepriz ak enstitisyon. Li pèmèt patisipan yo devlope kapasite pou planifye, òganize, kontwole ak amelyore jesyon pwodwi ak materyèl yo avèk metòd modèn ak zouti pwofesyonèl.
Pandan fòmasyon an, etidyan yo ap aprann :
- Prensip fondamantal lojistik ak jesyon estòk
- Teknik òganizasyon depo ak kontwòl envantè
- Metòd jesyon antre ak sòti pwodwi yo
- Planifikasyon ak swivi distribisyon machandiz
- Rediksyon pèt ak optimizasyon operasyon yo
- Itilizasyon zouti dijital pou siveyans estòk
- Preparasyon rapò lojistik ak analiz pèfòmans
Kou a konbine teyori ak pratik pou ede etidyan yo adapte yo ak reyalite pwofesyonèl yo epi prepare yo pou entegre sektè komèsyal, endistriyèl, ONG, makèt, antrepriz distribisyon oswa nenpòt òganizasyon ki bezwen yon jesyon lojistik efikas.
Objektif fòmasyon an:
Fòme pwofesyonèl ki kapab jere estòk ak operasyon lojistik avèk disiplin, estrateji ak efikasite, pandan y ap kontribye nan amelyorasyon pèfòmans ak pwodiktivite antrepriz yo.
Garanti
Si ou pa satisfè, ou ka mande ranbousman.
